Дзень роднай мовы
26.02.201922 лютага 2019 года навучэнцы ўстановы адукацыі 5-7 класаў разам з класнымі кіраўнікамі сабраліся на інтэлектуальна-пазнавальнае мерапрыемства "Турнір знаўцаў беларускай мовы", прысвечанае Міжнароднаму дню роднай мовы.
У час турніру многія ўдзельнікі змаглі выявіць добрыя веды ў разуменні адпаведнікаў фразеалагічных выразаў у беларускай і рускай мовах, у падборы правільнага варыянту беларускіх прыказак і прымавак. Некаторыя цяжкасці выклікалі заданні на вызначэнне лексічнага значэння ўстарэлых слоў і пераклад слоў з рускй мовы на беларускую.
Час прайшоў непрыкметна. Капітаны каманд на рэфлексійным этапе падкрэслілі, што такія турніры вельмі цікавыя, займальныя, даюць стымул для пазнання і вывучэння беларускай мовы, адкрываюць магчымасці творчых здольнасцей, умацоўваюць камандны дух.
Чугай Н. І., класны кіраўнік 7 класа