Дзень роднай мовы
21.02.2017“Мова мілагучная мая…”
З легендаў і казак былых пакаленняў,
З калосся цяжкога жытоў і пшаніц,
З сузор’яў і сонечных цёплых праменняў,
З грымучага ззяння бурлівых крыніц,
З птушынага шчэбету, шуму дубровы,
І з гора, і з радасці, і з усяго
Таго, што лягло назаўсёды ў аснову
Святыні народа, бяссмерця яго, —
Ты выткана, дзіўная родная мова.
М.Танк
Менавіта гэтыя радкі Максіма Танка вельмі выразна перадаюць тыя погляды на нашу родную беларускую мову, з якімі згодны ўсе удзельнікі разнастайных мерапрыемстваў, якія былі праведзены ў нашай школе сёння 21 лютага, калі ў свеце адзначаецца Міжнародны дзень роднай мовы.
Усе: і вучні, і настаўнікі — з задавальненнем прынялі ўдзел у акцыі “Размаўляем ва ўстанове і дома па-беларуску”. Асабліва хочацца адзначыць конкурс выразнага чытання для навучэнцаў 2-7 класаў “Мова мілагучная мая…” і конкурс сценгазет для вучняў 5-11 класаў “Багата, родная ты мова”.
Цікава і займальна прайшоў турнір эрудытаў “Вандроўка ў родную мову”. Дзеці яшчэ раз далучыліся да роднай спадчыны. У форме гульні яны змаглі праверыць свае веды па фанетыцы, лексіцы, фразеалогіі і граматыцы беларускай мовы.
Гэты дзень, безумоўна, нікога не пакінуў абыякавым. Настаўнікі і вучні школы яшчэ раз адчулі гонар за сваю мову.